Axlarverkir eru algengir og geta stafað af ýmsum orsökum. Oft tengjast þeir álagi, sinabólgu, vöðvaspennu, klemmu í öxl (impingement) eða ertingu í liðnum. Slík vandamál geta komið fram vegna endurtekinna hreyfinga, vinnu með hendur upp fyrir höfuð, íþrótta eða rangrar líkamsstöðu.

Olnbogaverkir eru algengir og tengjast oft álagi, endurteknum hreyfingum eða áverkum. Algeng vandamál eru meðal annars tennisolnbogi (erting í sinum utan á olnboga), golfolnbogi (erting innan á olnboga) og sinabólgur. Slík meiðsli geta komið fram vegna íþrótta, handavinnu, tölvuvinnu eða annarra endurtekinna hreyfinga.