Hnéverkir eru algengir og geta komið fram hjá fólki á öllum aldri. Helstu orsakir eru oft álag, tognanir í liðböndum, erting í sinum, slitbreytingar eða áverkar eftir íþróttir eða daglegt álag. Slík vandamál geta einnig komið fram vegna rangrar hreyfingar, vöðvaójafnvægis eða veikleika í kringum hnéð.

Meðferðir eins og liðkun, mjúkvefjameðferð, hitameðferð og markvissar styrktar- og teygjuæfingar geta hjálpað til við að minnka verki, bæta hreyfanleika og styrkja vöðva sem styðja við hnéð. Slík meðferð getur einnig stuðlað að betra blóðflæði og hjálpað liðnum að jafna sig eftir álag.